Latest News
|^| Home -> International -> പോളണ്ടില്‍ ഞായറാഴ്ച കടകള്‍ അവധിയാക്കാന്‍ സാദ്ധ്യത

പോളണ്ടില്‍ ഞായറാഴ്ച കടകള്‍ അവധിയാക്കാന്‍ സാദ്ധ്യത

Sathyadeepam

ഞായറാഴ്ചകളില്‍ കടകള്‍ തുറന്നു കച്ചവടം ചെയ്യുന്നത് പോളണ്ടില്‍ അടുത്ത മൂന്നു വര്‍ഷം കൊണ്ട് അവസാനിപ്പിക്കാന്‍ സാദ്ധ്യത. ഇതിനാവശ്യമായ ഒരു ബില്‍ ഇപ്പോള്‍ ദേശീയ നിയമനിര്‍മ്മാണസഭയുടെ പരിഗണനയിലാണ്. പാര്‍ലിമെന്‍റിന്‍റെ അധോസഭ ഈ ബില്‍ പാസ്സാക്കിയിട്ടുണ്ട്. തൊഴിലാളികള്‍ക്ക് വിശ്രമദിനം ലഭിക്കുന്നതിനും കുടുംബത്തിനൊപ്പം സമയം ചെലവഴിക്കുന്നതിനുമാണ് ഈ നിയമനിര്‍മ്മാണം നടത്തുന്നതെന്ന് നേതാക്കള്‍ പറഞ്ഞു. 2018-ല്‍ മാസത്തില്‍ രണ്ടു ഞായറാഴ്ചകളിലും 2019-ല്‍ മാസത്തില്‍ ഒരു ഞായറാഴ്ചയും കച്ചവടം അനുവദിക്കും. 2020 ല്‍ ഞായറാഴ്ചകളിലെ കച്ചവടം പൂര്‍ണമായി അവസാനിപ്പിക്കും. കടകള്‍ക്കു മാത്രം പോരാ ഈ നിയമമെന്നും എല്ലാ തൊഴില്‍മേഖലകളേയും നിയമത്തിന്‍റെ പരിധിയില്‍ ഉള്‍പ്പെടുത്തണമെന്നും പോളിഷ് കത്തോലിക്കാ മെത്രാന്‍ സംഘം ആവശ്യപ്പെട്ടു.

Leave a Comment

*
*