International
മുന് വത്തിക്കാന് വക്താവിനു ഫ്രഞ്ച് ബഹുമതി
മുന് വത്തിക്കാന് വക്താവ് ഫാ. ഫെഡറിക്കോ ലൊംബാര്ദിയ്ക്ക് ഫ്രാന്സിന്റെ അത്യുന്നത ബഹുമതിയായ ലീജിയന് ദ ഓണര് ലഭിച്ചു. വത്തിക്കാന് റേഡിയോയുടെയും മാര്പാപ്പയുടെ പ്രസ് ഓഫീസിന്റെയും മുന് ഡയറക്ടറാണ് ഈശോസഭാ വൈദികനായ ഫാ. ലൊംബാര്ദി. സഭയുടെ സന്ദേശം പരത്താന് ചെയ്ത സേവനങ്ങള്ക്കൊപ്പം അതിനായി ഫ്രഞ്ച് ഭാഷ വിപുലമായി ഉപയോഗപ്പെടുത്തിയതിനു കൂടിയാണ് ഈ ബഹുമതി ഫാ. ലൊംബാര്ദിക്കു നല്കിയത്. മാര്പാപ്പയുടെ സന്ദേശം മാധ്യമങ്ങളില് പ്രചരിപ്പിക്കുക വളരെ പ്രധാനമാണെന്നു ഫാ. ലൊംബാര്ദി ബഹുമതി സ്വീകരിച്ചുകൊണ്ടു പറഞ്ഞു. ഇപ്പോള് റാറ്റ്സിംഗര് ഫൗണ്ടേഷന്റെ പ്രസിഡന്റാ യി പ്രവര്ത്തിക്കുകയാണ് ഫാ. ലൊംബാര്ദി.