ദക്ഷിണ സുഡാനില്‍ ഒരു ക്രിസ്ത്യന്‍ വിദ്യാഭ്യാസസ്ഥാപനത്തില്‍ നടന്ന ആക്രമണത്തില്‍ പത്തു ക്രൈസ്തവര്‍ കൊല്ലപ്പെട്ടു. 5 കുട്ടികളും 3 സുരക്ഷാസൈനികരും ഉള്‍പ്പെടെയാണിത്. സര്‍ക്കാരുമായി പോരാട്ടം നടത്തിവരുന്ന പീപ്പിള്‍ ലിബറേഷന്‍ ആര്‍മിയുടെ ആളുകളാണ് അക്രമികളെന്നു കരുതപ്പെടുന്നു. ആഫ്രിക്കയിലെ ഏറ്റവും പഴക്കമുള്ള ആഭ്യന്തരയുദ്ധങ്ങളിലൊന്നിന്‍റെ ഭാഗമാണിവര്‍. 2005 ല്‍ സുഡാനിനെ വിഭജിച്ചുകൊണ്ട് ആഭ്യന്തരയുദ്ധത്തിനു വിരാമമിട്ടുവെങ്കിലും അതിന്‍റെ ഭാഗമായ ചില അക്രമസംഭവങ്ങള്‍ ഇപ്പോഴും തുടരുന്നുണ്ട്. മുസ്ലീം ഭൂരിപക്ഷമുള്ള ഉത്തര സുഡാനില്‍ നിന്നു ക്രിസ്ത്യന്‍ ഭൂരിപക്ഷമുള്ള ദക്ഷിണ സുഡാന്‍ വേര്‍പിരിയുകയാണ് ഫലത്തില്‍ അന്നു സംഭവിച്ചത്.
