കോവിഡ് പകര്ച്ചവ്യാധിയുടെ സാഹചര്യത്തില്, ആരോഗ്യപരിചരണവും സാമൂഹ്യ സംരക്ഷണവും എല്ലാ വിഭാഗം ജനങ്ങള്ക്കും ലഭ്യമാക്കണമെന്നു ലോകരാജ്യങ്ങളോടു കാരിത്താസ് ഇന്റര്നാഷണല് അഭ്യര്ത്ഥിച്ചു. കുടിയേറ്റക്കാര്, അഭയാര്ത്ഥികള്, വയോധികര്, രോഗികള്, ദരിദ്രര്, തൊഴില് രഹിതര് തുടങ്ങിയവരുടെ പ്രശ്നങ്ങള് പകര്ച്ചവ്യാധി മൂലം രൂക്ഷമായിരിക്കുകയാണ്. ഇവര്ക്കെല്ലാം ഭരണകൂടങ്ങളുടെ സേവനം ലഭ്യമാകണം – കാരിത്താസ് അദ്ധ്യക്ഷനായ കാര്ഡി. ലൂയി അന്റോണിയോ ടാഗ്ലെ നിര്ദേശിച്ചു. ഒരിക്കലും സംഭവിക്കില്ലെന്നു കരുതിയ ചില നല്ല മാറ്റങ്ങള് സംഭവിക്കാന് കോവിഡ് ഇടയാക്കുന്നുണ്ട്. പരിഹരിക്കാനാവില്ലെന്നു കരുതിയിരുന്ന ചില ആഗോള പ്രശ്നങ്ങള്ക്ക് താത്കാലിക പരിഹാരങ്ങളെങ്കിലും ഉണ്ടായിട്ടുണ്ട്. മാനവകുടുംബത്തിന്റെ ഐക്യബോധം വര്ദ്ധിച്ചിരിക്കുന്നു – കാര്ഡിനല് വിശദീകരിച്ചു.
