കോട്ടയം: ദൈവവചന വായനയും പഠനവും നമ്മെ വിശുദ്ധിയുടെ വഴിയിലൂടെ മുന്നേറുവാന്‍ സഹായിക്കുന്നുവെന്ന് കോട്ടയം അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ട്. കോട്ടയം തെള്ളകം ചൈതന്യ പാസ്റ്ററല്‍ സെന്‍ററില്‍ നടന്ന കോട്ടയം അതിരൂപത ലോഗോസ് ക്വിസ് പ്രതിഭാസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമ്മേളനത്തില്‍ കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട് അദ്ധ്യക്ഷത വഹിച്ചു. ബൈബിള്‍ കമ്മീഷന്‍ ചെയര്‍മാന്‍ ഫാ. സജി കൊച്ചുപറമ്പില്‍, ഷെല്ലി ആലപ്പാട്ട് എന്നിവര്‍ പ്രസംഗിച്ചു.
