ജോബ് സി. കൂടാലപ്പാട്, കൂവപ്പടി
സത്യത്തിന്‍ പ്രഭ തൂകി നില്ക്കും
സത്യദീപം നവതി കഴിഞ്ഞിട്ടേറെയായി
അത്യാധുനികന്മാര്‍ വിമര്‍ശനം
പതിവുപോല്‍ പാടിടുന്നെങ്കില്‍പ്പോലും
സത്യത്തിനെന്നും പതിനാറു വയസ്സെന്ന
ശൈലി പോല്‍ തന്നെയെന്നും
സത്യദീപവുമുജ്ജ്വലമായ് പ്രകാശിക്കു-
മേറെ വര്‍ഷങ്ങളിനിയും!
സത്യത്തെ നെല്ലിക്കയോടുപമിക്കു-
ന്നാചാര്യന്മാര്‍ പലപ്പോഴുമായി
ആദ്യം കയ്ക്കും പിന്നെയോ മധുരിക്കും
ഫലമത്രേ നെല്ലിക്കയെന്നും
സത്യദീപത്തിന്‍ വാര്‍ത്തകളും
പലപ്പോഴും നെല്ലിക്കാപോലെ
നിത്യപ്രകാശം ചൊരിയുന്നീ വാര്‍ത്തകള്‍
മാസങ്ങള്‍ പിന്നിടുമ്പോള്‍.
