Latest News
|^| Home -> Letters -> മൃതദേഹസംസ്കാരം

മൃതദേഹസംസ്കാരം

തോമസ് സി.എസ്., ചെങ്ങളം

സത്യദീപം ലക്കം 17 (നവംബര്‍ 23-29) പേജ് 11-ല്‍ ചോദ്യവും അതിനുള്ള ഉത്തരവും കൊടുത്തതില്‍ ‘മൃതസംസ്കാരം’ എന്ന തെറ്റായ ഭാഷാപ്രയോഗം 35 തവണ ആവര്‍ത്തിച്ചു കണ്ടു. മൃതസംസ്കാരം എന്ന സമസ്തപദം വിഗ്രഹിക്കുമ്പോള്‍ ‘മൃതമായ സംസ്കാരം’ എന്നാണു ലഭിക്കുന്നത്. അഭിവന്ദ്യ തിരുമേനിമാര്‍ വരെ തിരുക്കര്‍മ്മപ്രസംഗങ്ങളില്‍ ഇങ്ങനെ പ്രയോഗിച്ചു കേട്ടിട്ടുണ്ട്. ഈ തെറ്റായ പ്രയോഗത്തില്‍ നിന്നും മുക്തി പ്രാപിക്കണം എന്നാണ് എന്‍റെ താത്പര്യം. മൃതസംസ്കാരം എന്ന പ്രയോഗത്തിനു പകരം മൃതദേഹസംസ്കാരം എന്നോ ശവസംസ്കാരമെന്നോ ആണ് ഉപയോഗിക്കേണ്ടത്.