ജിനോ തെക്കിനിയത്ത്
മുറിയപ്പെടാത്ത ഹൃദയത്തോടും
വെടിപ്പാകാത്ത മനഃസാക്ഷിയോടും
മലിനമായ കരങ്ങളോടുംകൂടി
ഇനിയും ഞാന്‍ ബലിപീഠത്തിലേക്ക്.
ബലിയാകാതെയുള്ള എന്‍റെ ബലിയര്‍പ്പണങ്ങള്‍
ശൂന്യമായ കരങ്ങളോടെയുള്ള അര്‍പ്പണങ്ങള്‍
മരവിച്ച ചുണ്ടുകളില്‍ മരിച്ചു വിറങ്ങലിച്ച
അക്ഷര ജഡകോലങ്ങള്‍.
ഇനിയും ഞാന്‍ കലഹിക്കുകയാണ്
ഈ ദൈവജനത്തോട്…
വാക്കുകളാല്‍ ബലി ചെയ്തും
വിമര്‍ശനങ്ങളാല്‍ ക്രൂശിച്ചും
പുതിയ ക്രിസ്തുവായി ചാട്ടയെടുത്തു എന്ന്
പറഞ്ഞു തടിതപ്പുന്നു.
