Latest News
|^| Home -> International -> മനുഷ്യക്കടത്ത് സമൂഹശരീരത്തിലെ ഉണങ്ങാത്ത മുറിവ് : മാര്‍പാപ്പ

മനുഷ്യക്കടത്ത് സമൂഹശരീരത്തിലെ ഉണങ്ങാത്ത മുറിവ് : മാര്‍പാപ്പ

Sathyadeepam

സമൂഹശരീരത്തില്‍ ഉണങ്ങാതിരിക്കുന്ന ഒരു മുറിവാണ് മനുഷ്യരെ അടമകളെ പോലെ കണക്കാക്കി ക്രയവിക്രയം ചെയ്യുന്ന പരിപാടിയെന്നു ഫ്രാന്‍സിസ് മാര്‍പാപ്പ പ്രസ്താവിച്ചു. സെ.പീറ്റേഴ്സ് അങ്കണത്തില്‍ ത്രികാലപ്രാര്‍ത്ഥനയ്ക്കിടെയാണ് മാര്‍പാപ്പ മനുഷ്യക്കടത്തിനെതിരെ പ്രതികരിച്ചത്. മനുഷ്യരെ ക്രയവിക്രയത്തിനു വിധേയമാക്കുന്നതിനെതിരായ യു എന്‍ ദിനാചരണത്തിന്‍റെ പശ്ചാത്തലത്തിലാണ് മാര്‍പാപ്പ ഈ വിഷയം പരാമര്‍ശിച്ചത്. അവയവങ്ങള്‍ക്കും ലൈംഗികചൂഷണങ്ങള്‍ക്കും അടിമവേലയ്ക്കുമായി വര്‍ഷം തോറും ആയിരക്കണക്കിനു സ്ത്രീകളെയും കുട്ടികളെയും നിരപരാധികളെയും ഇന്നും വിധേയരാക്കുന്നുണ്ടെന്നു മാര്‍പാപ്പ ചൂണ്ടിക്കാട്ടി. ഇത് അശ്ലീലവും ക്രൂരവും കുറ്റകരവുമാണ്. അടിമത്തത്തിന്‍റെ ഈ ആധുനിക രൂപത്തിന് അറുതി വരുത്താന്‍ ആഗോളസമൂഹമൊന്നായി പരിശ്രമിക്കണം – മാര്‍പാപ്പ ആവശ്യപ്പെട്ടു.

Leave a Comment

*
*