സമൂഹത്തെ ബാധിച്ചിരിക്കുന്ന ഗുരുതരമായ രോഗമാണ് അഴിമതി. അഴിമതി ധാര്‍മ്മികമായും സാമ്പത്തികമായും കാര്യമായ വിനാശത്തിനു കാരണമാകുന്നു. വേഗത്തിലും എളുപ്പത്തിലും നേട്ടമുണ്ടാക്കുമെന്ന പ്രതീതി നല്‍കുമെങ്കിലും യഥാര്‍ത്ഥത്തില്‍ അത് എല്ലാവരേയും തകര്‍ക്കുകയും വിശ്വാസം നശിപ്പിക്കുകയും സുതാര്യതയും സത്യസന്ധതയും ഇല്ലാതാക്കുകയുമാണു ചെയ്യുക. അഴിമതി വൈയക്തികമായ അന്തസ്സ് ഇല്ലാതാക്കുകയും മനോഹരമായ ആദര്‍ശങ്ങളെയെല്ലാം നശിപ്പിക്കുകയും ചെയ്യുന്നു.
പൊതുസ്വത്തുക്കള്‍ എല്ലാവരുടേയും നന്മയ്ക്കായി സംരക്ഷിക്കപ്പെടണം. വിശേഷിച്ചും, ദരിദ്രര്‍ക്കുവേണ്ടി. പൊതുസ്വത്തുക്കള്‍ നിരുത്തരവാദപരമായി കൈകാര്യം ചെയ്യപ്പെടുമ്പോള്‍ ജാഗ്രത പാലിക്കാന്‍ ഭരണകൂടങ്ങള്‍ക്കു ബാദ്ധ്യതയുണ്ട്. അഴിമതിക്കെതിരായ പോരാട്ടത്തില്‍ നീതിന്യായസംവിധാനത്തിനു വലിയ പങ്കുണ്ട്.
പൗരന്മാര്‍ക്കും ഭരണകൂടത്തിനും ഇടയില്‍ വിശ്വാസം ശക്തിപ്പെടുത്തണം. അതിനാവശ്യമായ പ്രവര്‍ത്തനങ്ങള്‍ നടത്താന്‍ ഭരണകര്‍ത്താക്കള്‍ക്കു കടമയുണ്ട്. വിശ്വാസരാഹിത്യമാണ് നമ്മുടെ ജനാധിപത്യം നേരിടുന്ന പ്രതിസന്ധികളില്‍ പ്രധാനം.
(ഇറ്റലിയിലെ ജഡ്ജിമാരുടേയും നീതിന്യായവകുപ്പുദ്യോഗസ്ഥരുടേയും യോഗത്തില്‍ നടത്തിയ പ്രസംഗത്തില്‍ നിന്ന്.)
Leave a Comment