Latest News
|^| Home -> Poems -> പ്രാര്‍ത്ഥന

പ്രാര്‍ത്ഥന

Sathyadeepam

ഡെന്‍സി വര്‍ഗീസ് കുരിശിങ്കല്‍

നിന്നെക്കുറിച്ചറിയാന്‍ കഴിഞ്ഞതെന്‍ നേട്ടം
നിന്നിലലിയാന്‍ കഴിഞ്ഞതെന്‍ ഭാഗ്യം
നീ തന്ന ദാനമെന്‍ കൊച്ചുജീവിതം
നന്ദിചൊല്ലാതിരിക്കാനാവതില്ല-

അര്‍ച്ചനയായ് ജീവിതം നേദിക്കുന്നു
സര്‍വം സമര്‍പ്പിച്ചാരാധിക്കുന്നു
അറിയുന്നു കരുതലിന്‍ കാരുണ്യസ്പര്‍ശം
ചൊല്ലിത്തീര്‍ക്കാനാവില്ലീ ജന്മമെന്‍ നന്ദി

പാടുന്നു നിന്‍ സ്തുതി കീര്‍ത്തനങ്ങള്‍
ചുവടുകള്‍ വയ്ക്കുന്നു നിന്നോടൊപ്പം
മുറുകുന്നു എന്‍ നെഞ്ചിടിപ്പിന്‍നാളം
പുണരുന്നു പ്രേമത്താല്‍ നിന്‍മുറിപ്പാടുകള്‍.

മരണത്തിന്‍ ഗര്‍ത്തത്തിലാണ്ടുപോയാലും
പാതാളമെന്നെ വിഴുങ്ങിക്കളഞ്ഞാലും
പ്രാണനാഥാ, നീയെന്‍ കൂടെയുണ്ടെങ്കില്‍
ആനന്ദലബ്ധിക്കിനിയെന്തുവേണം!

ഇനിയൊരു പ്രാര്‍ത്ഥന വേറെയില്ല,
ആവശ്യങ്ങള്‍ മറ്റൊന്നുമില്ല
എന്‍ ചിത്തം സ്വന്തമാക്കിയോനെ
വിട്ടുപിരിയരുതൊരു നാളുമെന്നെ നീ.

Leave a Comment

*
*