ഫ്രാന്സിസ് മാര്പാപ്പയുടെ പേഴ്സണല് ഡോക്ടര് ഫാബ്രിസിയോ സൊക്കോര്സി നിര്യാതനായി. 78 കാരനായ അദ്ദേഹം അര്ബുദ രോഗത്തിനു ചികിത്സയിലായിരിക്കെ കോവിഡ് ബാധിച്ചാണു മരണമടഞ്ഞത്. ഡിസംബര് 26 മുതല് അദ്ദേഹം റോമിലെ ജെമെല്ലി ആശുപത്രിയിലായിരുന്നു. ഇതിനു മുമ്പുള്ള ദിവസങ്ങളില് മാര്പാപ്പയുമായി അ#്ദേഹം ഇടപഴകയിരുന്നോ എന്നു വത്തിക്കാന് പത്രക്കുറിപ്പില് വിശദീകരിച്ചിട്ടില്ല. 2015 ലാണ് സൊക്കോര്സിയെ ഫ്രാന്സിസ് മാര്പാപ്പ തന്റെ ഡോക്ടറായി നിയമിച്ചത്. അന്താരാഷ്ട്ര യാത്രകളില് ഫ്രാന്സിസ് മാര്പാപ്പയോടൊപ്പം ഉണ്ടാകാറുള്ളയാളാണ് സൊക്കോര്സി.