ദക്ഷിണ സുഡാനില്‍ ഈശോസഭാ വൈദികനായ ഫാ. വിക്ടര്‍ ലൂക് ഒധ്യാംബോ വെടിയേറ്റു കൊല്ലപ്പെട്ടു. കെനിയന്‍ സ്വദേശിയായ ഫാ. വിക്ടര്‍ സുഡാനില്‍ ഒരു ടീച്ചേഴ്സ് കോളേജിന്‍റെ പ്രിന്‍സിപ്പലായി സേവനം ചെയ്തു വരികയായിരുന്നു. 62 കാരനായ അദ്ദേഹം കഴിഞ്ഞ പത്തു വര്‍ഷമായി സുഡാനിലായിരുന്നു. മുമ്പു കെനിയയിലും ടാന്‍സാനിയയിലും സേവനം ചെയ്തിട്ടുണ്ട്. മൂന്നു രാജ്യങ്ങളിലായി ആയിരകണക്കിനു വിദ്യാര്‍ത്ഥികള്‍ക്ക് അദ്ദേഹം പ്രിയപ്പെട്ട അദ്ധ്യാപകനായിരുന്നു. മണ്ണിലടക്കപ്പെട്ട ഒരു വിത്തുപോലെയാണ് അദ്ദേഹത്തിന്‍റെ മരണമെന്നും അതില്‍നിന്ന് അനേകം ഫലങ്ങളുണ്ടാകുമെന്നും ഈശോസഭാ സൂപ്പീരിയര്‍ ജനറല്‍ തന്‍റെ അനുശോചനസന്ദേശത്തില്‍ പറഞ്ഞു. ടിവി കണ്ടുകൊണ്ടിരിക്കുമ്പോള്‍ കടന്നു കയറിയ അക്രമികള്‍ വെടിവയ്പു നടത്തുകയായിരുന്നു.
