Latest News
|^| Home -> Suppliments -> Baladeepam -> ജീവിതം ഒരു സമ്മാനം

ജീവിതം ഒരു സമ്മാനം

Sathyadeepam

ജീവിതം ഒരു സമ്മാനമാണ്. അത് എങ്ങനെ ജീവിച്ചുതീര്‍ക്കണമെന്ന് തീരുമാനിക്കേണ്ടത് നാം ഓരോരുത്തരുമാണ്.

ഒരാളോട് മോശമായ ഒരു വാക്ക് പറയാന്‍ ആലോചിക്കുമ്പോള്‍ ചിന്തിക്കുക – സംസാരശേഷിയില്ലാത്ത അനേകരെക്കുറിച്ച്.

ഭക്ഷണത്തിന്‍റെ രുചിയേക്കുറിച്ച് പരാതിപ്പെടാന്‍ പോകുന്നതിനു മുമ്പ് ചിന്തിക്കുക; ഒരു നേരത്തെ ഭക്ഷണം പോ ലും കഴിക്കാനില്ലാതെ വിശന്നു കരയുന്ന അനേകരെക്കുറിച്ച്.

നിങ്ങളുടെ ജീവിതപങ്കാളിയെക്കുറിച്ച് പരാതി പറയാന്‍ തുടങ്ങുന്നതിനുമുമ്പ് ചിന്തിക്കുക; ജീവിതപങ്കാളിക്കായി കാത്തിരിക്കുന്ന അനേകരെക്കുറിച്ച്.

നിങ്ങളുടെ ജീവിതത്തെക്കുറിച്ച് പരാതി പറയാന്‍ ഒരുങ്ങുന്നതിനു മുമ്പ് ആലോചിക്കുക; ഈ ലോകത്തില്‍നിന്നും വളരെ നേരത്തെ വിടവാങ്ങിയവരെക്കുറിച്ച്.

നിങ്ങളുടെ മക്കളെക്കുറിച്ച് പരാതിപ്പെടുന്നതിനു മുമ്പ് ഓര്‍ക്കുക; ഒരു കുഞ്ഞിക്കാലു കാണാന്‍ കൊതിച്ചിരിക്കുന്ന അനേകരെക്കുറിച്ച്.

നിങ്ങളുടെ വീടിന്‍റെ കുറ്റവും കുറവും പറയാന്‍ പോകുന്നതിനു മുമ്പ് ചിന്തിക്കുക; സ്വന്തമായി വീടില്ലാതെ കടത്തിണ്ണകളിലും വഴിയോരങ്ങളിലും അന്തിയുറങ്ങുന്നവരെക്കുറിച്ച്.

നിങ്ങളുടെ ജോലിയെക്കുറിച്ച് പരാതിപ്പെടാന്‍ ഒരുങ്ങുന്നതിനുമുമ്പ് ഓര്‍ക്കുക; ഒരു ജോലി കിട്ടാന്‍ കാത്തിരിക്കുന്ന അനേകരെക്കുറിച്ച്, ജോലി ചെയ്യാന്‍ ശാരീരിക-മാനസിക ശേഷിയില്ലാത്തവരെക്കുറിച്ച്.

മറ്റുള്ളവരെ കുറ്റം വിധിക്കുന്നതിനു മുമ്പ് ഓര്‍ക്കുക; ഈ ലോകത്ത് ആരും പൂര്‍ണരല്ലെന്ന യാഥാര്‍ത്ഥ്യം.

മനസ്സില്‍ വിഷമങ്ങള്‍ നിറയുമ്പോള്‍ ഒരു പുഞ്ചിരിയോടെ ദൈവത്തിന് നന്ദി പറയുക. നിങ്ങള്‍ക്ക് ഈ ലോകത്തില്‍ ജീവിതം തന്നതിന്.

ജീവിതം ഒരു സമ്മാനമാണ്. അതിനാല്‍ ജീവിക്കുക, ആസ്വദിക്കുക, സന്തോഷിക്കുക, നിങ്ങളാല്‍ കഴിയുംവിധം പ്രവൃത്തിക്കുക. അവിടെ സന്തോഷകരവും സംതൃപ്തവുമായ ജീവിതം നിങ്ങള്‍ക്ക് ലഭിക്കും. അതിനു കഴിയട്ടെയെന്ന് പ്രാര്‍ത്ഥിക്കുന്നു. സ്നേഹാംശസകള്‍.

Leave a Comment

*
*