കവിത
കടല്‍ ആര്‍ത്തിരമ്പി
ചീറിയടുത്തു തിരമാലകള്‍
നിര്‍ത്താതെ പെയ്യും പേമാരി
ചുറ്റിലും വെള്ളക്കെട്ടുകള്‍
മലയോരങ്ങളില്‍ പച്ചപ്പാടങ്ങളില്‍
നഗരവീഥികളില്‍ തീരദേശങ്ങളില്‍
എങ്ങും എവിടെയും ഒഴുക്കായ്
എന്‍റെ പാദങ്ങളും മൂടി
രക്ഷാപ്രവര്‍ത്തകരായി മത്സ്യത്തൊഴിലാളികള്‍
വള്ളവും രക്ഷയുമായ് എവിടെയും
ജീവിതവും ജീവനും നേര്‍ശ്വാസമായി
നാടുണര്‍ന്നു; അലിവിന്‍റെ കരങ്ങളൊന്നായി
പ്രളയത്തില്‍ മുങ്ങിയ നമ്മുടെ നാടിനെ
പ്രത്യാശയോടെ തീരത്തണച്ചു
വീണ്ടുമൊരു ജീവിതപ്രതീക്ഷയായ്
കൈകോര്‍ക്കാം നവകേരളത്തിനായ്
