താലന്ത്

പണംപോലെ കൈമാറ്റം ചെയ്തിരുന്ന സ്വര്‍ണത്തിന്‍റെയും വെള്ളിയുടെയും നിശ്ചിത തൂക്കമാണു താലന്ത്. പുറപ്പാട് അദ്ധ്യായം 38-ല്‍ സാക്ഷ്യപേടകം സൂക്ഷിച്ചിരുന്ന വിശുദ്ധ കൂടാരത്തിന്‍റെ പണിക്കുവേണ്ടി വന്ന സ്വര്‍ണത്തിന്‍റെയും വെള്ളിയുടെയും തൂക്കം താലന്തിലും ശേക്കലിലും കണക്കാക്കുന്നു (38:2131). പുതിയ നിയമത്തില്‍ വി. മത്തായിയുടെ സുവിശേഷം 25:14-30 താലന്തുകളുടെ ഉപമ പറയുന്നു.

പഴയ നിയമത്തിലെ ഒരു താലന്ത് സ്വര്‍ണം ഏകദേശം 6150 പവനും ഒരു താലന്ത് വെള്ളി 96 റാത്തലുമാണെന്നും അതല്ല, യഥാക്രമം 108 പവനും 96 പവനുമാണന്നും കാണുന്നു. പുതിയ നിയമത്തിലെ താലന്ത് 240 പവനാണത്രേ.