കണ്ണൂര്‍: വിളക്കന്നൂരിലെ ദേവാലയത്തിലെ തിരുവോസ്തിയില്‍ തെളിഞ്ഞ ഈശോയുടെ തിരുമുഖം കൂടുതല്‍ ശാസ്ത്രീയപഠനങ്ങള്‍ക്കായി റോമിലേക്കു കൊണ്ടുപോകും. ഇതിന്‍റെ ഭാഗമായി തിരുവോസ്തി കാക്കനാടുള്ള സീറോ- മലബാര്‍ സഭാ ആസ്ഥാനത്ത് എത്തിച്ച്, ഇന്ത്യയിലെ വത്തിക്കാന്‍ സ്ഥാനപതിക്കു കൈമാറി. തിരുവോസ്തി റോമിലേക്കു കൊണ്ടുപോകുന്നതിനുമുമ്പു വിളക്കന്നൂര്‍ ദേവാലയത്തില്‍ പ്രത്യേക ആരാധനകളും പ്രാര്‍ത്ഥനകളും നടന്നു. ദിവ്യകാരുണ്യ അത്ഭുതത്തിന്‍റെ സ്ഥിരീകരണം കാത്തിരിക്കുകയാണു വിശ്വാസികള്‍.
