കൊച്ചി: ബിഷപ് റെമജിയൂസ് ഇഞ്ചനാനിയില് ചെയര്മാനായുള്ള കെ.സി.ബി.സി. മദ്യവിരുദ്ധ കമ്മീഷന്റെ സെക്രട്ടറിയായും കെ.സി.ബി.സി. മദ്യവിരുദ്ധസമിതിയുടെ സംസ്ഥാന ജനറല് സെക്രട്ടറിയായും പാലാ രൂപതാംഗമായ ഫാ. ജേക്കബ് വെള്ളമരുതുങ്കല് നിയമിതനായി.
കഴിഞ്ഞ 8 വര്ഷക്കാലമായി ലഹരിവിരുദ്ധ പ്രവര്ത്ത നരംഗത്ത് സജീവ സാന്നിദ്ധ്യമായ ഫാ. ജേക്കബ് വെള്ളമരുതുങ്കല് ഇംഗ്ലണ്ടിലും അമേരിക്കയിലുമായി നിരവധി ഡി-അഡിക്ഷന് പ്രോഗ്രാമുകള് നടത്തിയിട്ടുണ്ട്. കോട്ടയം റീജണല് ഡയറക്ടര്, പാലാ രൂപതാ ഡയറക്ടര്, മാങ്ങാനം ട്രാഡ, പാലാ അഡാര്ട്ട് ഡി-അഡിക്ഷന് സെന്ററുകളുടെ ഡയറക്ടര്, കെ.സി.വൈ.എം. ഡയറക്ടര് തുടങ്ങി നിരവധി ചുമതലകള് വഹിച്ചിട്ടു ള്ള ഫാ. ജേക്കബ് വെള്ളമരുതുങ്കലിന്റെ കാലഘട്ടത്തിലാണ് അഡാര്ട്ട് ഡി-അഡിക്ഷന് സെന്ററിന് സംസ്ഥാന സര്ക്കാരിന്റെയും കേന്ദ്രസര്ക്കാരിന്റെയും പുരസ്കാരങ്ങള് ലഭിച്ചിട്ടുള്ളത്. ഫാ. ടി.ജെ. ആന്റണിയുടെ ഒഴിവി ലേക്കാണ് ഫാ. വെള്ളമരുതുങ്കല് നിയമിതനായിട്ടുള്ളത്. പാലാരിവട്ടം പി.ഒ.സി.യില് വച്ച് നടന്ന സംസ്ഥാനസമിതി യോഗത്തില് ഫാ. ജേക്കബ് വെള്ളമരുതുങ്കല് ഔദ്യോഗികമായി ചുമതലയേല്ക്കും.