പോളണ്ടിലെ ആഗോളയുവജനദിനാഘോഷങ്ങള്ക്കായി പുറത്തു നിന്നു 5.6 ലക്ഷം പേര് രജിസ്റ്റര് ചെയ്തു. ഉദ്ഘാടന ദിവ്യബലിയില് 6 ലക്ഷത്തിലേറെ പങ്കെടുക്കുമെന്നു സംഘാടകര് പ്രതീക്ഷിക്കുന്നു. സമാപനദിവ്യബലിയില് പങ്കെടുക്കുന്നവരുടെ എണ്ണം 18 ലക്ഷമെങ്കിലും വരുമെന്നാണു കരുതപ്പെടുന്നത്. ഫ്രാന്സില് ഉള്പ്പെടെ ഈ ദിവസങ്ങളില് നടന്ന ഭീകരാക്രമണങ്ങളുടെ പശ്ചാത്തലത്തില് സുരക്ഷാക്രമീകരണങ്ങള് ശക്തമാക്കിയിട്ടുണ്ട്. ഭീകരര് ലക്ഷ്യം വയ്ക്കുന്നയാളെന്ന നിലയില് ഫ്രാന്സിസ് മാര്പാപ്പയ്ക്കും ശക്തമായ സുരക്ഷയൊരുക്കുമെന്ന് പോളിഷ് അധികൃതര് പ്രഖ്യാപിച്ചിട്ടുണ്ട്. 20,000 ത്തിലേറെ സന്നദ്ധ പ്രവര്ത്തകര് യുവജനദിനാഘോഷങ്ങള്ക്കായി പ്രവര്ത്തിക്കുന്നുണ്ട്. ഇവരെല്ലാം ദേശീയവും അന്തര്ദേശീയവുമായ സുരക്ഷാമാനദണ്ഡങ്ങളനുസരിച്ചുള്ള പരിശോധനകള്ക്കു വിധേയരായിട്ടുള്ളവരാണ്.