ഈ സഹസ്രാബ്ദത്തില്‍ ജീവിച്ചു മരിച്ച കൗമാരജീവിതമാതൃക കാര്‍ലോ അക്കുത്തിസ് ഉള്‍പ്പെടെ 15 പേരെ വിശുദ്ധരായി പ്രഖ്യാപിക്കുന്നതിനു ഫ്രാന്‍സിസ് മാര്‍പാപ്പ അന്തിമാനുമതി നല്‍കി. തീയതി പ്രഖ്യാപിച്ചിട്ടില്ല. 2025-ലെ ജൂബിലി ആഘോഷങ്ങളോടനുബന്ധിച്ചായിരിക്കും പ്രഖ്യാപനമെന്നു കരുതപ്പെടുന്നു.
2006-ല്‍ തന്റെ പതിനഞ്ചാം വയസ്സില്‍ മരണമടഞ്ഞ കാര്‍ലോ അക്കുത്തിസിനെ 2020-ല്‍ അസ്സീസിയില്‍ വച്ചാണ് വാഴ്ത്തപ്പെട്ടവനായി പ്രഖ്യാപിച്ചത്. അതിനുശേഷം അക്കുത്തിസിന്റെ മാധ്യസ്ഥത്താല്‍ നടന്ന ഒരു അത്ഭുതം കൂടി സഭ ഔദ്യോഗികമായി അംഗീകരിച്ചു. 'ദമാസ്‌കസിലെ രക്തസാക്ഷികള്‍' എന്ന പേരിലറിയപ്പെടുന്ന 11 രക്തസാക്ഷികളും അള്‍ത്താരയിലേക്കുയര്‍ത്തപ്പെടുന്ന 15 പേരിലുള്‍പ്പെടുന്നു.