Un bount എന്ന പ്രസിദ്ധമായ പുസ്തകത്തിനു ശേഷം നീല്‍ ലൊസാനോയും മാറ്റ് ലൊസാനോയും ചേര്‍ന്ന് എഴുതിയ Abba's Heart എന്ന പുസ്തകത്തിന്റെ മലയാള പരിഭാഷ 'അബ്ബാ ഹൃദയം' പ്രകാശനം ചെയ്തു. ജോസ് ജേക്കബ് ആണു പരിഭാഷ നിര്‍വഹിച്ചത്.

കെയ്‌റോസ് മീഡിയ പ്രസിദ്ധീകരിച്ച പുസ്തകത്തിന്റെ പ്രകാശനം കടുത്തുരുത്തി എസ് വി ഡി റീട്രീറ്റ് സെന്ററില്‍ വച്ചായിരുന്നു. പുസ്തകത്തിന്റെ കോപ്പി ഡോ. ജോസഫ് തോമസ് ഏറ്റുവാങ്ങി.

നീല്‍ ലൊസാനോയുടേയും മാറ്റ് ലൊസാനോയുടേയും തൂലികത്തുമ്പില്‍ വിരിഞ്ഞ ദൈവസ്‌നേഹത്തിന്റെ ഹൃദ്യമായ ആവിഷ്‌കാരമാണ് 'അബ്ബാ ഹൃദയ'മെന്ന് ഫാ. മാത്യു പുഞ്ചയില്‍ പ്രകാശനവേളയില്‍ പറഞ്ഞു.

മിനി, കെയ്‌റോസ് മീഡിയ ഡയറക്ടര്‍ ഡോ. ചാക്കോച്ചന്‍ ഞാവള്ളില്‍, കെയ്‌റോസ് മീഡിയ മാനേജര്‍ സാജന്‍ സി എ തുടങ്ങിയവര്‍ ചടങ്ങില്‍ പങ്കെടുത്തു.