സുപ്രസിദ്ധ സുവിശേഷപ്രസംഗകനായ ബിഷപ് ഫുള്‍ട്ടന്‍ ജെ ഷീനിനെ ഡിസംബര്‍ 21 നു വാഴ്ത്തപ്പെട്ടവനായി പ്രഖ്യാപിക്കും. അമേരിക്കയിലെ പിയോറിയ രൂപതയുടെ കത്തീഡ്രലിലാണു പ്രഖ്യാപനം. ഈ രൂപതയ്ക്കു വേണ്ടിയാണ് 1919-ല്‍ ബിഷപ് ഷീന്‍ പൗരോഹിത്യം സ്വീകരിച്ചത്. പൗരോഹിത്യസ്വീകരണത്തിന്‍റെ ശതാബ്ദിവര്‍ഷത്തിലാണ് അദ്ദേഹം അള്‍ത്താരയിലേയ്ക്ക് ഉയര്‍ത്തപ്പെടുന്നത്. 1951-ലാണ് ബിഷപ് ഷീന്‍ ന്യൂയോര്‍ക്ക് അതിരൂപതാ സഹായമെത്രാനായി നിയമിക്കപ്പെട്ടത്. പിന്നീട് റോച്ചസ്റ്റര്‍ ബിഷപ്പായി. 1950 കളിലും 60 കളിലും ടെലിവിഷനിലൂടെ ഏറ്റവുമധികം വീക്ഷിക്കപ്പെട്ട സുവിശേഷപ്രസംഗകനായിരുന്നു ബിഷപ് ഫുള്‍ട്ടന്‍ ഷീന്‍. “ജീവിതം ജീവിതയോഗ്യം” എന്ന അദ്ദേഹത്തിന്‍റെ പരിപാടി കോടിക്കണക്കിനു പ്രേക്ഷകര്‍ കണ്ടിട്ടുണ്ട്.
Leave a Comment