ഒരു പുരോഹിതന് ഉള്പ്പെടെ കൊല്ലപ്പെട്ട മുസ്ലീം തീവ്രവാദികളുടെ ആക്രമണത്തിനു പ്രതികാരം ചെയ്യാനുള്ള ആഹ്വാനത്തിനു കത്തോലിക്കര് വഴങ്ങരുതെന്ന് സെന്ട്രല് ആഫ്രിക്കന് റിപ്പബ്ലിക്കിലെ കത്തോലിക്കാ മെത്രാന്മാര് ആവശ്യപ്പെട്ടു. വിവിധ പേരുകളിലുള്ള മുസ്ലീം തീവ്രവാദസംഘങ്ങള് 2012-ല് ഇവിടെ അക്രമങ്ങള്ക്കു തുടക്കമിട്ടതാണ്. ഇവരെ പ്രതിരോധിക്കുന്നതിനു സൈനികസ്വഭാവമുള്ള ഒരു സംഘടന രൂപീകൃതമായിട്ടുണ്ട്. ക്രൈസ്തവവിശ്വാസികളാണ് ഇവയില് ഏറെയും അംഗങ്ങളായിട്ടുള്ളത്. ഇവര് ചില പ്രത്യാക്രമണങ്ങളും നടത്തി. പുരോഹിതന്റെ കൊലയില് പ്രതികാരം ചെയ്യണമെന്നാവശ്യപ്പെട്ട് ഈ സംഘടന പ്രസ്താവന പുറപ്പെടുവിച്ചതിനെ തുടര്ന്നാണ് പ്രതികാരം ക്രൈസ്തവമാര്ഗമല്ലെന്ന് മെത്രാന് സംഘം അസന്നിഗ്ധമായി പ്രഖ്യാപിച്ചത്.