മാതാവായി സ്ത്രീയും പിതാവായി പുരുഷനും ഉള്ളതാണു കുടുംബമെന്നു ഹംഗറിയിലെ പാര്ലിമെന്റ് നിര്വചിച്ചു. ഫലത്തില് സ്വവര്ഗപ്രേമികളുടെ കുടുംബത്തിനോ ഏകസ്ഥരായ വ്യക്തികള്ക്കോ കുഞ്ഞുങ്ങളെ ദത്തെടുക്കാന് സാധിക്കില്ല. ഹംഗറിയുടെ ക്രൈസ്തവ പാരമ്പര്യം സംരക്ഷിക്കാനും ജനനനിരക്കു വര്ദ്ധിപ്പിക്കാനുമാണ് ഈ നിയമനിര്മ്മാണമെന്നു നേതാക്കള് വ്യക്തമാക്കി. ക്രൈസ്തവികതയെ ഉപേക്ഷിച്ചാല് ഹംഗറിക്ക് അതിന്റെ തനിമയാകും നഷ്ടപ്പെടുകയെന്നു ഹംഗറിയുടെ കുടുംബകാര്യ മന്ത്രി കാറ്റലിന് നോവാക് പ്രസ്താവിച്ചു. ഹംഗറിയുടെ ജനസംഖ്യയില് പകുതിയിലേറെയും കത്തോലിക്കരാണ്. 20 ശതമാനം പ്രൊട്ടസ്റ്റന്റുകാരാണ്.