സെബാസ്റ്റ്യന്‍ മാളിയേക്കല്‍, പാലാരിവട്ടം
ഇപ്പോള്‍ മുനമ്പം പ്രശ്‌നം ഗുരതരമായി. ഈ പ്രശ്‌നത്തില്‍ കേരളം ശാശ്വത പരിഹാരം പ്രതീക്ഷിക്കുന്നു. ഈ പ്രശ്‌നം കേരള ക്രിസ്തീയ സഭകള്‍ ഏറ്റെടുത്തിട്ടുണ്ട്. വളരെ സന്തോഷ വാര്‍ത്തയാണ്.
കേരള സഭയിലെ ഭൂമി വിവാദവും സിനഡ് കുര്‍ബാനയും സീറോ മലബാര്‍ സഭയേയും ഇതര ക്രിസ്തീയ സഭാ വിശ്വാസികളേയും വളരെയേറെ ബാധിച്ചിട്ടും ഈ വിഷയത്തില്‍ ഇതര സഭാ വിഭാഗങ്ങള്‍ ഇടപെടാതിരുന്നതിന്റെ ഗുട്ടന്‍സ് പിടികിട്ടുന്നില്ല.
കേരള മെത്രാന്‍ സമിതിയും ഈ വിഷയം കേട്ടതായോ നടിച്ചിട്ടില്ല. സീറോ മലബാര്‍ സഭാ പ്രശ്‌നം ഇപ്പോള്‍ ഗുരുതരാവസ്ഥയിലാണ്.
മുനമ്പം പ്രശ്‌നത്തില്‍ സഭകള്‍ ശുഷ്‌ക്കാന്തി കാണിക്കുന്നതുപോലെ സീറോ മലബാര്‍ പ്രശ്‌നത്തിലും എല്ലാ വിഭാഗം സഭകളും ഇടപെട്ട് പരിഹാരം കാണണമെന്ന് അഭ്യര്‍ത്ഥിക്കുന്നു.
