കോവിഡ് ലോക് ഡൗൺ മൂലം ദുരിതമനുഭവിക്കുന്ന എഴുപുന്ന ഗ്രാമത്തിലെ ജനങ്ങൾക്ക് സ്നേഹസമ്മാനമായി കാര്ഷികവിഭവങ്ങളെത്തിച്ച് മഞ്ഞപ്ര ഇടവക . മഞ്ഞപ്ര ഇടവകയിലെ കർഷകരിൽ നിന്ന് ശേഖരിച്ച നാലു ലോഡ് കപ്പ ,ചക്ക, മാങ്ങ ,നാളികേരം, നേന്ത്രക്കായകൾ തുടങ്ങിയവ എറണാകുളം-അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയയുടെ നേതൃത്വത്തിലുള്ള മധുരക്കനി പദ്ധതി വഴിയാണ് എഴുപുന്നയിൽ എത്തിച്ചത്. മഞ്ഞപ്ര ഫൊറോനാ വികാരി ഫാ. സെബാസ്റ്റ്യൻ ഊരക്കാടനും ഇടവക ഭാരവാഹികളും ചേർന്ന് വിഭവങ്ങൾ സഹൃദയ ഡയറക്ടർ ഫാ. ജോസ് കൊളുത്തുവെള്ളിലിനു കൈമാറി.
