ലേബർ ക്യാമ്പിലെ അതിഥി തൊഴിലാളികൾക്ക് മാസ്ക് വിതരണം 

എറണാകുളം-അങ്കമാലി അതിരൂപത സാമൂഹ്യപ്രവർത്തന വിഭാഗമായ സഹൃദയ, കാരിത്താസ് ഇന്ത്യയുടെ സഹകരണത്തോടെ അതിഥി തൊഴിലാളികളുടെ ക്ഷേമത്തിനായി നടപ്പാക്കിവരുന്ന സുധർ പദ്ധതിയുടെ ഭാഗമായി മരട് ലേബർ ക്യാമ്പിൽ സൗജന്യ മാസ്ക് വിതരണം നടത്തി. നൂറോളം അതിഥി തൊഴിലാളികൾക്ക് വേണ്ടി വിതരണം ചെയ്ത മാസ്കുകൾ തൊഴിലാളി പ്രതിനിധികൾ ഏറ്റുവാങ്ങി. സഹൃദയ ഡയറക്ടർ ഫാ. ജോസ് കൊളുത്തുവെള്ളിൽ മാസ്കുകൾ വിതരണം ചെയ്തു. പ്രോഗ്രാം കോ ഓർഡിനേറ്റർ അനന്തു ഷാജി, ലാലച്ചൻ കെ.ജെ, മാർട്ടിൻ വർഗീസ് എന്നിവർ സന്നിഹിതരായിരുന്നു.