![ഈശോയുടെ തിരുഹൃദയത്തിനുള്ള സമര്പ്പണം ഇക്വഡോര് നവീകരിച്ചു](http://media.assettype.com/sathyadeepam%2F2024-04%2F8629b1c4-004c-48f2-8adc-753e0671b879%2FEcuador_Consecration_to_the_Sacred_Heart_of_Jesus.jpg?w=480&auto=format%2Ccompress&fit=max)
ഈശോയുടെ തിരുഹൃദയത്തിന് രാജ്യത്തെ സമര്പ്പിച്ചതിന്റെ നവീകരണം വിശുദ്ധ വാരത്തിലെ തിങ്കളാഴ്ച ക്വിറ്റോ അതിരൂപതയുടെ ആര്ച്ചുബിഷപ് നിര്വഹിച്ചു. കഴിഞ്ഞ 150 വര്ഷമായി ഇക്വഡോറില് നടന്നുവരുന്ന പതിവാണിത്. സഭാധികാരികള്ക്ക് പുറമെ സിവില് അധികാരികളും ചടങ്ങില് സംബന്ധിച്ചു. 1874-ല് അന്നത്തെ പ്രസിഡന്റിന്റെ നിര്ദേശപ്രകാരമായിരുന്നു രാജ്യത്തെ തിരുഹൃദയത്തിന് സമര്പ്പിച്ചത്. അതോടെ തിരുഹൃദയത്തിന് സമര്പ്പിക്കപ്പെടുന്ന ആദ്യരാജ്യമായും ഇക്വഡോര് മാറി. ഈ വര്ഷം അന്താരാഷ്ട്ര ദിവ്യകാരുണ്യ കോണ്ഗ്രസിനും വേദിയാവുകയാണ് ഇക്വഡോര്. സെപ്റ്റംബര് 8 മുതല് 15 വരെയാണ് ക്വിറ്റോയില് ദിവ്യകാരുണ്യ കോണ്ഗ്രസ് നടക്കുക. 'ലോകസൗഖ്യത്തിന് സാഹോദര്യം' എന്ന പ്രമേയവുമായി നടക്കുന്ന ദിവ്യകാരുണ്യ കോണ്ഗ്രസില് ഫ്രാന്സിസ് മാര്പാപ്പ പങ്കെടുക്കുമെന്നും പ്രതീക്ഷിക്കപ്പെടുന്നുണ്ട്.