![യുദ്ധാവശിഷ്ടങ്ങളില് നിന്നുള്ള കുരിശ് വേദനയോടെ സ്വീകരിച്ചു മാര്പാപ്പ](http://media.assettype.com/sathyadeepam%2F2023-02%2Fff9be792-04d5-46d6-95d4-ebf459fe4b15%2Fcross_made_our_war.jpg?w=480&auto=format%2Ccompress&fit=max)
കഴിഞ്ഞ ഒരു വര്ഷമായി യുദ്ധം മൂലം ദുരിതമനുഭവിക്കുന്ന ഉക്രെയിനില് ആശ്വാസപ്രവര്ത്തനങ്ങള്ക്കു മേല്നോട്ടം വഹിക്കുന്ന ഫാ. വ്യാഷെസ്ലാവ് ഗ്രിനെവിച് വത്തിക്കാനില് ഫ്രാന്സിസ് മാര്പാപ്പയെ കാണാനെത്തിയത്, യുദ്ധം മൂലം തകര്ന്ന കെട്ടിടാവശിഷ്ടങ്ങളില് നിന്നുണ്ടാക്കിയ കുരിശുമായി. കുരിശു സ്വീകരിച്ച മാര്പാപ്പ ആ വൈദികനോട് ആവര്ത്തിച്ചു പറഞ്ഞു, ''അവിടെ എല്ലാവരോടും പോയി പറയുക. എനിക്കു ചെയ്യാവുന്നതെല്ലാം ഞാന് ചെയ്യുന്നുണ്ട്.'' ഈ വാക്കുകള് മാര്പാപ്പ ഏതാനും തവണ ആവര്ത്തിച്ചു പറഞ്ഞതായി ഫാ. ഗ്രിനെവിച് പിന്നീടു വെളിപ്പെടുത്തി. യുദ്ധദുരിതങ്ങളെ കുറിച്ചുള്ള വിവരങ്ങളില് മാര്പാപ്പ അതീവദുഃഖിതനായിരുന്നുവെന്നും അദ്ദേഹം പറഞ്ഞു. യുദ്ധം ഒരു വര്ഷം പിന്നിടുകയാണ്. വെടിനിറുത്തലിനായി അനേകം ശ്രമങ്ങള് ഫ്രാന്സിസ് മാര്പാപ്പ നേരിട്ടു നടത്തിയിരുന്നു.