![കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് ഭിന്നശേഷിയുള്ളവര്ക്കായി ലഭ്യമാക്കുന്ന അവശ്യമരുന്നുകളുടെ വിതരണോദ്ഘാടനം ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ് നിര്വ്വഹിക്കുന്നു. (ഇടത്തുനിന്ന്) മേരി ഫിലിപ്പ്, സുധര്മ്മ കൃഷ്ണന്കുട്ടി, ഫാ. സുനില് പെരുമാനൂര്, ഷിജി ബെന്നി എന്നിവര് സമീപം.](http://media.assettype.com/sathyadeepam%2F2024-01%2F23ce02d8-fa29-4bd6-a3eb-a2cff7a4afcc%2Fmedicine_for_physically_abled.jpg?w=480&auto=format%2Ccompress&fit=max)
കോട്ടയം: ഭിന്നശേഷിയുള്ളവരുടെ സമഗ്ര ഉന്നമനം ലക്ഷ്യമാക്കി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റി നടപ്പിലാക്കി വരുന്ന സമൂഹാധിഷ്ഠിത പുനരധിവാസ പദ്ധതിയുടെ ഭാഗമായി വിഭാവനം ചെയ്ത് നടപ്പിലാക്കുന്ന കാരുണ്യദൂത് പദ്ധതിയുടെ ഭാഗമായി അവശ്യമരുന്നുകള് വിതരണം ചെയ്തു. തെള്ളകം ചൈതന്യയില് സംഘടിപ്പിച്ച ചടങ്ങില് മരുന്നുകളുടെ വിതരണോദ്ഘാടനം ഏറ്റുമാനൂര് മുനിസിപ്പല് ചെയര്പേഴ്സണ് ലൗലി ജോര്ജ്ജ് നിര്വ്വഹിച്ചു. കെ.എസ്.എസ്.എസ് എക്സിക്യുട്ടീവ് ഡയറക്ടര് ഫാ. സുനില് പെരുമാനൂര് ചടങ്ങില് അദ്ധ്യക്ഷതവഹിച്ചു, കെ.എസ്.എസ്.എസ് കോര്ഡിനേറ്റര് മേരി ഫിലിപ്പ്, സിബിആര് സന്നദ്ധ പ്രവര്ത്തക ഷിജി ബെന്നി എന്നിവര് ചടങ്ങില് സന്നിഹിതരായിരുന്നു. കോട്ടയം, എറണാകുളം ജില്ലകളിലെ ഭിന്നശേഷിയുള്ള വ്യക്തികള്ക്കാണ് അവശ്യമരുന്നുകള് വിതരണം ചെയ്തത്.