![സോയില് ഹെല്ത്ത് കാര്ഡിനെ സംബന്ധിച്ച് കാര്ഷിക വിദ്യാര്ഥികള് ബോധവത്കരണം നടത്തി](http://media.assettype.com/sathyadeepam%2F2024-02%2F17fb42b2-687c-4fe2-aa88-aee09d9b1e06%2Fsoil_health_card.jpg?w=480&auto=format%2Ccompress&fit=max)
കോയമ്പത്തൂര്: RAWE യുടെ (റൂറല് അഗ്രികള്ച്ചറല് വര്ക്ക് എക്സ്പീരിയന്സ്) ഭാഗമായി അമൃത സ്കൂള് ഓഫ് അഗ്രികള്ച്ചറല് സയന്സസിലെ വിദ്യാര്ഥികള് സോയില് ഹെല്ത്ത് കാര്ഡിനെക്കുറിച്ച് ബോധവത്കരണ പരിപാടി സംഘടിപ്പിച്ചു. അരസംപാളയം വില്ലേജില് നിയോഗിക്കപ്പെട്ട വിദ്യാര്ഥികളാണ് ഈ പരിപാടിയുമായി രംഗത്തെത്തിയത്. 2015 ഫെബ്രുവരി 19ന് പദ്ധതി നിലവില് വന്നെങ്കിലും കര്ഷകര്ക്ക് ഇതിനെ സംബന്ധിച്ച് അറിവില്ലായിരുന്നു. അതിനാല് പദ്ധതിയെക്കുറിച്ചും കര്ഷകര്ക്ക് അവരുടെ പ്രയോജനത്തിനായി ഈ പദ്ധതി എങ്ങനെ പ്രയോജനപ്പെടുത്താമെന്നും വിദ്യാര്ത്ഥികള് വിശദമായി പറഞ്ഞു. മണ്ണ് പരിശോധിച്ച് മണ്ണില് അടങ്ങിയിരിക്കുന്ന മാക്രോ ന്യൂട്രിയന്റുകള് (NPK), മൈക്രോ ന്യൂട്രിയന്റുകള്, ഓര്ഗാനിക് പദാര്ത്ഥങ്ങള് എന്നിവയുടെ ശതമാനം സംബന്ധിച്ച വിവരങ്ങള് നിര്മ്മിക്കുന്നത് ഈ പദ്ധതിയില് ഉള്പ്പെടുന്നു. സോയില് ഹെല്ത്ത് കാര്ഡിന്റെ സഹായത്തോടെ, അവരുടെ കൃഷിസ്ഥലത്തെ മണ്ണിന്റെ നിര്ദ്ദിഷ്ട ശുപാര്ശകള് നല്കുന്നു. പഞ്ചായത്ത് പ്രസിഡന്റ് സുന്ദര് രാജിന്റെ നേതൃത്വത്തിലാണ് ബോധവത്കരണ പരിപാടി സംഘടിപ്പിച്ചത്. കോളേജ് ഡീന് ഡോ. സുധീഷ് മണലില്, ഗ്രൂപ്പ് ഫെസിലിറ്റേറ്റര്മാരായ ഡോ. വി.എസ്.മണിവാസഗം, ഡോ. പ്രണ്. എം, ഡോ.മനോന്മണി കെ. എന്നിവര് നേതൃത്വം നല്കി.