പി.ഐ. ആന്റണി, കുമ്പളം
മാര് തോമ മാമല നാട്ടില്
അന്ന് വിതച്ച വചനങ്ങള്
പ്രേഷിതവേലയാലത്
നൂറു മേനി വിളവായ്,
ഭാരതത്തില്;-
നൂറു മേനി വിളവായ്.
ശ്ലീഹാ തന് സഹനം വഴിയേ
പകര്ന്നു നല്കിയ സുവിശേഷം
നിത്യഹരിത ജീവല്ഫലമായ്
മാനസവയലില് പൂത്തിടുന്നു;
പരിപോഷിതമായ്,-
മാനസവയലില് പൂത്തിടുന്നു
ആദിമ ഭാരത പ്രജകള്ക്കിടയില്
പ്രഭാതതാരമായുദിച്ച ശ്ലീഹാ
അജ്ഞാനത്തിന്നാശ്രിതരെ
ആത്മജ്ഞാന പ്രബുദ്ധരാക്കി; നിരന്തരം; –
ആത്മജ്ഞാന പ്രബുദ്ധരാക്കി.
അശാന്ത ജീവിത കര്മ്മപഥത്തി
ന്നുച്ചിയിലധീരഥന് ജ്വലിച്ചിടുമ്പോള്;
വിദ്വേഷത്താലുറഞ്ഞുതുള്ളും വൈരിതന്
കുന്തമുനയാല്, ധന്യജീവന് പൊലിഞ്ഞിട്ടും
സ്മൃതിയിലിന്നുമാ വേദാന്തി നിത്യം വാഴുന്നു.