റോസിയാ ജോണ്‍
ഒരു സ്ത്രീ എന്നും രാവിലെ ഒരു ചെറുതടാകത്തില്‍ നിന്നും ദ്വാരമുള്ള കുടത്തില്‍ വെള്ളം ശേഖരിച്ചു തലയില്‍ ചുമന്നുേപാകും. വെള്ളം ദ്വാരത്തില്‍ കൂടെ നഷ്ടമായി വഴിയരികില്‍ വീഴുകയും, വീട്ടില്‍ എത്തുമ്പോള്‍ കാലിയായ കുടം മാത്രമാകും. പലരും ഈ സ്ത്രീയെ കളിയാക്കുകയും, പാഴ്പ്രവൃത്തിയെ നിരുത്സാഹപ്പെടുത്തുകയും ചെയ്തിരുന്നു. എന്നാല്‍ തന്റെ പ്രവൃത്തി സ്ത്രീ മുടക്കിയിരുന്നില്ല. എന്നും ആവര്‍ത്തിച്ചു. അത് വര്‍ഷങ്ങളോളം നീണ്ടു. പ്രായമായപ്പോള്‍ ആ സ്ത്രീ മരിച്ചു. ദ്വാരമുള്ള കുടവുമായി പോകുന്ന സ്ത്രീയെ പിന്നീട് ആരും കണ്ടില്ല. എന്നാല്‍ ഒരു കാര്യം ആ നാട്ടുകാര്‍ ശ്രദ്ധിച്ചു. ആ സ്ത്രീ കുടം ചുമന്നു പോയിരുന്ന വഴിയിലെല്ലാം നല്ല തണല്‍ വൃക്ഷങ്ങള്‍ വളര്‍ന്നിരിക്കുന്നു. കുടത്തില്‍ മനഃപൂര്‍വ്വം ദ്വാരം വരുത്തുകയും അതിലെ വെള്ളം ആ വഴിയില്‍ ഉണ്ടായിരുന്ന ചെടികള്‍ക്ക് കൊടുക്കുകയുമാണ് ആ സ്ത്രീ ചെയ്തിരുന്നത്.
നമുക്ക് എന്നും പരിഭവമേ ഉള്ളൂ. എപ്പോഴും പരാജയങ്ങളും നഷ്ടങ്ങളും മാത്രമാണെന്നോര്‍ത്ത് ദുഃഖിച്ചിരിക്കുമ്പോള്‍ അവ നമുക്ക് എങ്ങനെ നമ്മുടെ നേട്ടത്തിന് കാരണമാകും എന്ന് ഓര്‍ക്കാം. "നമ്മുടെ ചില നഷ്ടങ്ങള്‍ മറ്റുള്ളവര്‍ക്ക് ഒരു അനുഗഹ്രമായിക്കൂടേ."
